വാസ്തു

ഞാനൊരു ചെറിയ കച്ചവടക്കാരനാണ്. ഇപ്പോഴത്തെ സാമ്പത്തിക മാന്യം കൊണ്ട് കച്ചവടമൊന്നും ശരിക്ക് നടക്കുന്നില്ല.. വരുമാനതിന്ന്നു ഇപ്പോള്‍ നല്ല മാര്‍ക്കറ്റ്‌ ഉള്ള "വാസ്തു" ഒന്ന് പരീക്ഷിച്ചു നോക്കിയാല്‍ രക്ഷപ്പെടുമെന്നു തോന്നുന്നു.ജ്യോതിഷം നോക്കാമെന്ന് വിചാരിച്ചതാണ് പക്ഷെ അതിന്നു പലതും പഠിക്കണം ഗ്രഹനില നോക്കണം, ജനനസമയത്ത് ഗ്രഹങ്ങള്‍ എവിടെ നില്‍ക്കുന്നു, ശുക്രന്‍ അട്ടത്താണോ അടുപ്പിലാണോ, എന്നൊക്കെ നോക്കണം, മനസ്സിലാക്കണം. ഇപ്പോള്‍ എല്ലാവര്ക്കും ഇതു അല്പം അറിയുന്നതുകൊണ്ട് തെറ്റ് പറഞ്ഞുപോയാല്‍ എളുപ്പത്തില്‍ പിടിച്ചുപോകും.പക്ഷെ വാസ്തുവിണ്ടേ കാര്യം അങ്ങനെയല്ല. ആര്‍ക്കും അതിനെപറ്റി വലിയ വിവരമൊന്നുമില്ല . അത് ഇപ്പോഴാണ് കൂടുതല്‍ പ്രചാരത്തില്‍ വന്നത് ഒന്നിന്നും കാരണമൊന്നും പറയേണ്ടതില്ല. ശാസ്ത്രത്തില്‍ അങ്ങിനെയാണ് കാണുന്നതെന്ന് പറഞ്ഞാല്‍ മതി. അല്ലെങ്കിലും കാരണമൊന്നും ആരും ചോദിക്കില്ല. ഇപ്പോള്‍ ഏറ്റവും നല്ല ഒരു ബിസിനസ്‌ ആണ് ഇതു. ആര്‍ക്കും പ്രേക്ടീസ് ചെയ്യാം. കുറച്ചു കഴിഞ്ഞാല്‍ ഇതിന്നും ഗുണം കിട്ടാതെ ആകും. അതിന്നു മുന്‍പ് കുറച്ചു കാശ് പിടിക്കണ.കന്നി മൂല ഏതാണെന്ന് അറിഞ്ഞാല്‍ ആര്‍ക്കും എളുപ്പത്തില്‍ ഒരു വാസ്തു വിദ്വാനാകാം. ഒരു സ്ഥലത്തിന്ടെ തെക്ക്-പടിഞ്ഞാറെ മൂലക്കാണല്ലോ കന്നി മൂലയെന്നു പറയുന്നത്. ആ ഭാഗത്ത് നമ്മള്‍ മോശമെന്ന് കരുതുന്നതോ നല്ലതാണെന്ന് കരുതുന്നതോ ആയ ഒരു വസ്തുവും പാടില്ല. അതായത് കക്കൂസ് കുളിമുറി എന്നിവയൊന്നും തീരെ പാടില്ല. അവിടെ വിളക്ക് വെക്കാനും പാടില്ലെന്ന്നു തോന്നുന്നു.വീട്ടിണ്ടേ മുഖം പടിഞ്ഞാറ് ആണെങ്കില്‍ കന്നിമൂലക്ക് ഗേറ്റ് പാടില്ല. എന്തുകൊണ്ടെന്ന് ചോദിച്ചാല്‍ പടിഞ്ഞാറ് നിന്ന് കിഴക്കോട്ടു കാറ്റ് അടിക്കുകയില്ലെന്നോ മറ്റോ പറയാം. കൂടാതെ ഗേറ്റ് വീട്ടിണ്ടേ നേര മുന്‍പിലുള്ള വാതിലിന്നു നേരെ ആയാല്‍ മാത്രമേ വീട്ടില്‍ കാറ്റ് കടക്കുകയുള്ളൂ എന്ന് പറയാം. പക്ഷെ ഇതൊന്നും ആരും ചോദിക്കില്ല. ചോദിച്ചാല്‍ മാത്രമല്ലെ ഇതൊക്കെ പറയേണ്ടതുള്ളു. സമാധാനം. മുന്‍ വാതിലിന്നു നേരെയുള്ള മതിലില്‍ ഗേറ്റ് ഇല്ലെങ്കില്‍ അവിടെ ഒരു ചെറു ദ്വാരമിട്ടാല്‍ ഈ ദോഷം പരിഹരിക്കാം. ദ്വാരം നോക്കി അതില്‍ കൂടി കാറ്റ് വന്നു നിറഞ്ഞു കൊളളും. അതിനാല്‍ വായു കിട്ടാതെ ശ്വാസം മുട്ടി മരിക്കുകയില്ല. അങ്ങിനെ വല്ലതും ഉണ്ടോയെന്നു ആദ്യം ചോദിച്ചും നോക്കിയും മനസ്സിലാക്കണം. ഉണ്ടെങ്കില്‍ നമുക്ക് പ്രവചിക്കാം: ആ സ്ഥലത്ത് കിടക്കുന്ന വീട്ടില്‍ എപ്പോഴും രോഗമാണെന്ന്.(രോഗം ഒരിക്കലും ഉണ്ടാകാത്ത വീട് ഉണ്ടാകുകയില്ലല്ലോ അപ്പോള്‍ അങ്ങിനെ പറഞ്ഞാല്‍ ഒരു തെറ്റും ആര്‍ക്കും പറയാന്‍ പറ്റില്ല) അപ്പോള്‍ വീട്ടുകാര്‍ക്ക് ആശ്ചര്യം. "ഇദ്ദേഹം പറഞ്ഞത് എത്ര ശരി! ശരിക്കുംഇവിടേ ഓരോരുത്രക്കും ഇടയ്ക്കിടെ ജലദോഷം വരാറില്ലേ!"പറഞ്ഞത് ഏറ്റാല്‍ നമ്മള്‍ വീണ്ടും ആത്മ വിശ്വാസത്തോടെ പറയുന്നു: " ഈ തറവാട്ടില്‍ പൂര്‍വികമായി ഒരു കാവോ ക്ഷേത്രമോ ഉണ്ടായിരുന്നു. ഇപ്പോള്‍ അത് ആരും ശ്രദ്ധിക്കാതെ കിടക്കുകയാണ്. ഒരു വിളക്ക് പോലും കത്തിക്കുന്നില്ല. അതിനാല്‍ കാരണവന്മാരും ദൈവങ്ങളും കോപിച്ചിരിക്കുകയാണ്‌. അതിന്നു പരിഹാരം ചെയ്യണം.”ഈ പറഞ്ഞതും വീട്ടുകാര്‍ പൂണമായും സമ്മതിക്കുന്നു. "പണ്ട് അമ്മ പറഞ്ഞിരുന്നു അവരുടെ വലിയമ്മയുടെ അമ്മയുടെ വീട്ടില്‍ ഒരു "നാഗം" ഉണ്ടായിരുന്നുവെന്നു . പത്തു നൂറു വര്ഷം മുന്‍പ്. അതൊക്കെ പിന്‍ തല മുറക്കാര്‍ നശിപ്പിചിരിക്കാം. ( ഇതൊക്കെ മുന്‍പത്തെ ഏത് തറവാട്ടിലും കാണുമെന്നു ആര്‍ക്കാണ് അറിയാത്തത്. അപ്പോള്‍ ആ പറഞ്ഞത് ആരും വിശ്വസിക്കും. )കഴിയുമെങ്കില്‍ ഏതെങ്കിലും ഒരു ശ്ലോകം ചൊല്ലിയാല്‍ മതി. അര്ത്ഥം പെട്ടന്ന് മനസ്സിലാകാത്തതാനെന്കില്‍ ഉത്തമം. മനസ്സിലാകുന്നതാനെന്കിലും തരക്കേടില്ല. സ്പുടതയില്ലാതെ ചൊല്ലിയാല്‍ മതി. ഉദാഹരണം : "ഹര്‍ത്തൂര്‍ ചാര്‍ നിര്‍ഷംസകംസ്‌ പാര്‍ക്രമം സ്ത്രീകളിളല്ല വാണ്ടൂ " എന്നൊക്കെ ചൊല്ലിയാല്‍ ആര്‍കും മനസ്സിലാവുകയില്ല. (ശരിക്കും ഇതു "ഹരേ ദുരാചാര നൃശംസ കംസാ പരാക്രമം സ്ത്രീകളിളല്ല വേണ്ടൂ ") എന്നോ മറ്റോ ആണെന്ന് തോന്നുന്നു. ഇതു മലയാളം പഠിക്കാന്‍ തുടങ്ങുന്ന ഒരു സായ്വ് ചൊല്ലിയ ശ്ലോകമാണ് പോലും. എന്റെ ഒരു പഴയ സ്നേഹിതന്‍ പറഞ്ഞുതന്നതാണ്.പ്രതിവിധിയായി നമുക്ക് എന്ത് വേണമെങ്കിലും കാച്ചാം. " ഒരു ദേവീ ക്ഷേത്രത്തില്‍ പോയി ദിവസവും പ്രാര്‍ത്ഥിക്കണം. ദൈവകോപം തീരാന്‍ വഴിപാടും കഴിക്കണം. കൂടാതെ ഇവിടെ ഭയങ്കര ദോഷമുള്ളതുകൊണ്ട് ഒരു ഗണപതി ഹോമവും മൃത്യുഞ്ജയ ഹോമവും കഴിപ്പിക്കണം. വേറെ ആരെക്കൊണ്ടും ചെയ്യിച്ചാലും മതി. എനിക്കു വാസ്തു മാത്രമല്ല എല്ലാ പൂജാവിധികളും അറിയാം. ഒരു രണ്ടായിരം അല്ലെങ്കില്‍ രണ്ടായിരതഞ്ഞൂര് മാത്രമേ ചെലവ് വരുകയുള്ളു. എനിക്കു ഇപ്പോള്‍ ഭയങ്കര തിരക്കാണ്. തിരുവനന്തപുരത്തും, തൃശൂരും മറ്റും എനിക്കു ധാരാളം ബൂകിംഗ് കിട്ടുന്നുണ്ട്‌. അവിടെ എനിക്കു ഭയങ്കര പേരാണ്. ധാരാളം ആരാധകന്മാര്‍ ഉണ്ടവിടെ.നമ്മള്‍ പണ്ട് പണ്ടേ അറിയുന്നവരായത് കൊണ്ട് എന്റെ ഫീസ്‌ മൂവായരമാനെന്കിലും ഒരു രണ്ടായിരതിന്നു ഒപ്പിക്കാം. നിങ്ങള്ക്ക് ഇഷ്ടമുള്ളത് തന്നാലും മതി. തന്നില്ലെങ്കിലും കുഴപ്പമില്ല. (അങ്ങിനെ പറഞ്ഞാലേ നമുക്ക്‌ തന്നെ അത് കിട്ടുകയുള്ളൂ. )വടക്ക് പടിഞ്ഞാറെ മൂലയില്‍ കിണര്‍ പാടില്ലെന്നാണ് വാസ്തു പറയുന്നതു. അതിന്നുപ്രതിവിധിയായി കിണറ്റിന്നു ചുറ്റും ഒരു മതില്‍ കെട്ടുക. അപ്പോള്‍ അത് വേറൊരു പ്ലോട്ട് ആകുമല്ലോ. അപ്പോള്‍ വീട് കിടക്കുന്ന സ്ഥലത്തിന്ടെ കുറ്റവും തീരും. കാരണം കിണര്‍ വേറൊരു പ്ലോട്ടില്‍ ആണല്ലോ ഇപ്പോള്‍ കിടക്കുന്നത്. എത്ര ബുദ്ധിയുള്ള പ്രവൃത്തി! കിണറ്റിലെ വെള്ളം ശുധമാകുമോ വെള്ളം വറ്റാതിരിക്കുമോ എന്നൊന്നും ആരും ചോദിക്കില്ല. ഈ സന്ദര്‍ഭത്തില്‍ പഴയ ഒരു കഥ ഓര്‍മവരുന്നു. യമരാജനെ അതായത് നമ്മുടെ അന്തകനെ ഒരു ഭിഷഗ്വരന്‍ പറ്റിച്ച കഥ. ഈ വൈദ്യന്‍ ചികിത്സിക്കുന്ന ഒരു രോഗി അത്യാസന്ന നിലയില്‍ കിടക്കുകയാണ്. രോഗിയുടെ ബന്ധുക്കള്‍ രോഗി മരിക്കുമോ ജീവിക്കുമോ എന്ന് അറിയിക്കാന്‍ വൈദ്യരോട്‌ ആവിശ്യപ്പെടുന്നു. മരിക്കുകയില്ലെന്നു വൈദ്യന്‍ പറഞ്ഞെങ്കിലും അദ്ദേഹത്തിന് സംശയമുണ്ട്‌. അതിനാല്‍ യമരാജനെ അപ്പോള്‍ പ്രാര്‍ത്ഥന കൊണ്ട് പ്രത്യക്ഷപ്പെടുത്തി രോഗി ജീവിക്കുമോ മരിക്കുമോ എന്ന് കൃത്യമായി അറിയിക്കണമെന്ന് അഭ്യര്‍ത്ഥിച്ചു . എമരാജന്‍ പറഞ്ഞു" ഞാന്‍ അവിടേക്ക് വരുന്നുണ്ട് ആ രോഗിയുടെ ജീവന്‍ എടുക്കുവാന്‍ വേണ്ടി . ഞാന്‍ രോഗിയുടെ കാലിണ്ടേ ഭാഗമാണ് വന്നു നില്‍ക്കുന്നതെങ്കില്‍ രോഗി മരിക്കുമെന്ന് കരുതാം. അല്ല തലയുടെ ഭാഗത്താണെങ്കില്‍ രോഗി ജീവിക്കുമെന്നും കണക്കാക്കാം." അങിനെ യമരാജന്‍ വന്നു. വൈദ്യന്‍ നോക്കുമ്പൊ കാലിണ്ടേ ഭാഗത്താണ് യമരാജ നില്‍ക്കുന്നത്. പെട്ടന്ന് വൈദ്യര്‍ക്ക്‌ ഒരു ബുദ്ധി തോന്നി. തല്‍ക്ഷണം രോഗിയെ മാറ്റി കിടത്തി, തലയുടെ ഭാഗം കാലും കാലിണ്ടേ ഭാഗത്ത് തലയും വരത്തക്ക വിധത്തില്‍. യമാരാജന്നു ഒന്നും ചെയ്യാന്‍ പറ്റിയില്ല.അദ്ദേഹത്തിന് രോഗിയുടെ ജീവന്‍ കൊണ്ടുപോകാന്‍ കഴിഞ്ഞില്ല . രോഗി ജീവിച്ചു. വൈദ്യന്ടെ പ്രവചനം ശരിയായി. കിണറിണ്ടേ അടുത്ത് മതില്‍ കെട്ടി വാസ്തുവിനെ തോല്പിക്കാം. തോല്‍പ്പിക്കുന്നത്‌ ഏകദേശം വൈദ്യന്‍ ചെയ്തത് മാതിരി തന്നെ. അങ്ങിനെ ബുദ്ധി പൂര്‍വമായി പ്രവര്‍ത്തിച്ചാല്‍ വാസ്തു എന്നല്ല ഏത് ശാസ്ത്രവും നമുക്ക് വഴങ്ങും.പോസ്റ്റ് ചെയ്തത് BALAKRISHNAN M.C. ല്‍ 8:18 AM 0 അഭിപ്രായ(ങ്ങള്‍) Thursday, June 11, 2009Posted by BALAKRISHNAN M.C. at 5:56 AM 0 comments

"സുഖത്തിന്നു വേണ്ടി "
"സുന്ദര സുമധുര സൂനത്തിന്‍
മന്ദഹസിക്കും വദനത്തില്‍
മധുരം പെരുകും മധു നുകരാന്‍
മധുപന്‍ ഞാനിതാ പോകുന്നു.

മന്ദ സമീര സമാസ്ലെശാല്‍
മന്ദം സൂനം പിടയുമ്പോള്‍
എന്മനമെതൊ നിര്‍വൃതിയില്‍
മേന്മേല്‍ പുളകം കൊള്ളുന്നു ]

നര്മണമൊലും പൂന്തെനും
നിറമെഴുമോമല്‍ പൂമ്പൊടിയും
സുലഭം കിട്ടുകിലവിടെ ഞാന്‍
അലയാം ആയിരമാണ്ടുകളില്‍ "

ഈവിധ ചിന്താ സരനികളില്‍
ജീവിത യാത്ര തുടര്നീടും
മധുപന്‍ കേള്‍ക്കാന്‍ ഓതുന്നു
വൃദ്ധന്‍ മാമാരമീവിധമായ് .

"ജീവിത സൌഖ്യം തേടീ നീ
പൂവുകള്‍ തോറും പോകുമ്പൊള്‍
ശോകത്തിന്‍ നിഴല്‍ പിന്നാലെ
മൂകം നിന്നെ പിന്തുടരും .

ഇലകള്ക്കുള്ളിലോളിക്കുന്നു

നലമൊടു മുള്ളുകള്‍ ചെമ്പനനീര്‍
അതിനാല്‍ നിന്നുടെ കര്‍മത്തില്‍
പതിവായി കരുതല്‍ കൊള്ളേണം

സൌഖ്യം തേടി നടന്നോടുവില്‍
ദുഃഖം നേടുവതെന്തിന്നായ്‌
സൌന്ദര്യതിന് മായികമാം
മോഹന വലയില്‍ വീഴരുതേ

ജലാദങ്ങള്‍ തന്‍ പുന്ചിരിയാം
മഴവില്‍ കണ്ടു മയങ്ങിയവന്‍
അവിടെ ചെന്നത് നോക്കീടില്‍
അവിടെ കാണുകയില്ലന്നും "

പോസ്റ്റ് ചെയ്തത് BALAKRISHNAN M.C. ല്‍ 9:10 AM 2 അഭിപ്രായ(ങ്ങള്‍)
Monday, June 8, 2009

ഹസ്ത രേഖ

ഹസ്ത രേഖാ ശാസ്ത്രംഹസ്തരേഖാ ശാസ്ത്രത്തെ കുറിച്ച് വിവരമുള്ളവര്‍ എന്ത് പറയുന്നു എന്നറിയാന്‍ ആഗ്രഹിക്കുന്നു. ജ്യോതിഷം നമ്മുടെ പൌരാനികന്മാര് നിര്മിച്ച ഒരു ശാസ്ത്രഭാസം ( pseudo science ) ആണെന്നാണ് എനിക്കു തോന്നുന്നത് അതിന്ടെ ഫലപ്രവചനം ഒരിക്കലും അമ്പതു ശതമാനം പോലും ശരിയാകാറില്ല. ഫലപ്രവചനം ശരി ആകുന്നില്ലെന്കില്‍ അതിനെക്കൊണ്ടു എന്ത് പ്രയോജനം ? ദൂരെക്കിടക്കുന്ന ഗോളങ്ങള് എങ്ങിനെയാണ് മനുഷ്യന്ടെയും മറ്റു ജീവജാലങ്ങളുടെയും ഭാഗദേയം നിര്ണയിക്കുക. അതിന്നു യാതൊരു സാധ്യതയും കാണുന്നില്ല. മഹര്ഷിമാര് ഉണ്ടാക്കിയതാണെന്ന് പറഞ്ഞാല് യാതൊന്നും ആലോചിക്കാതെ അതേപടി വിശ്വസിക്കുന്നവര്‍ക്ക് വേണ്ടി മാത്രമാണ് ജ്യോതിഷമെന്നു തോന്നുന്നു.ഹസ്തരേഖ ശാസ്ത്രം ശരിയായ ഒരു ശാസ്ത്രമാവാന്‍ സാധ്യതയുണ്ടെന്നാണ് എനിക്കു തോന്നുന്നത് . കൈയിലുള്ള രേഖകള് എന്തിനു വേണ്ടിയാണ് പ്രകൃത്യാ ഉണ്ടായിട്ടുള്ളത്?ചില യുക്തിവാദികള് പറയുന്നതുകേട്ടു " അത് കൈ മടക്കുകയും നീര്ക്കുകയും ചെയിതു കൊണ്ടിരിക്കുന്നതിനാല് താനേ ഉണ്ടായതാവാം" എന്ന്. ഇതു അത്ര വിശ്വാസയോഗ്യമല്ല. കാരണം കൈപ്പടം മടങ്ങുന്ന സ്ഥാനത്ത് മാത്രമല്ല വരകള് കാണുന്നത്. മടക്കുവരാന് സാധ്യതയില്ലാത്ത സ്ഥാനത്തും വരകള് കാണപ്പെടുന്നു. അപ്പോള് ആ വരകള് നമ്മുടെ ശരീരത്തിലെ ചില രാസപ്രവര്‍ത്തനം കൊണ്ട് ഉണ്ടാവുന്നതാവാന്‍ സാധ്യതയില്ലേ . നമ്മുടെ കഴിഞ്ഞ കാലത്തെ സംഭവത്തെ കുറിച്ചുള്ള രേഖ (document) ആയിരിക്കുമോ അതെന്നു സംശയം തോന്നുന്നു. ചില മരങ്ങളിലും മറ്റുമുള്ള രേഖകള് നോക്കി അതിന്ടെ പ്രായവും മറ്റും ചിലര് നിര്ണയിക്കുന്നത് കാണാറുണ്ട്. പ്രകൃതി നമ്മുടെ ഭൂതകാലതിണ്ടേ സംഭവങ്ങളുടെ ഒരു രേഖ നമ്മുടെ കൈയില് വരച്ചു വരച്ചുവെക്കുന്നതായിരിക്കുമോ എന്ന് സംശയിക്കാമെന്നു തോന്നുന്നു .ഭൂതകാല സംഭവങ്ങള്‍ ഏകദേശം അറിഞ്ഞാല്‍ ഭാവി ഏറെക്കുറെ പ്രവചിക്കാമല്ലോ. ഒരു കുരുടന്‍ പോകുന്ന വഴിയില്‍ ഒരു വലിയ കുഴി ഉണ്ടെന്നു വിചാരിക്കുക. അപ്പോള്‍ അതറിയാതെ മുമ്പോട്ട്‌ നടക്കുന്ന കുരുടന്‍ ആ കുഴിയില്‍ വീഴാന്‍ സാധ്യത ഉണ്ടെന്നു പ്രവചിക്കാം അത്തരത്തില്‍ ഒരു സാധ്യത ഹസ്തരേഖ ശാസ്ത്രതിന്നും ഉണ്ടായികൂടെ എന്ന് സംശയിക്കുന്നതില്‍ വലിയ തെറ്റുണ്ടെന്ന് തോന്നുന്നില്ല. ഇതിനെ പറ്റിയാണ് കൂടുതല്‍ ഗവേഷണങ്ങള്‍ നടത്തേണ്ടതാണ്. ഏതായാലും രേഖപ്രകാരം ശരിക്കും ഭാവി പ്രവചിക്കാന്‍ സാധ്യമല്ലെന്നാണ് എന്റെ അഭിപ്രായം. ഭാവിയെപ്പറ്റി ഏകദേശം ഊഹിക്കാംഎന്നു മാത്രം.ഈ വിഷയത്തില്‍ വിവരമുള്ളവരില്‍ നിന്ന് കൂടുതല്‍ അറിവാന്‍ ആഗ്രഹിക്കുന്നു. പോസ്റ്റ് ചെയ്തത് BALAKRISHNAN M.C. ല്‍ 7:37 AM 0 അഭിപ്രായ(ങ്ങള്‍)